طور نفسك

 السلام عليكم يا جماعة اللي فاكر اني هنا هقول له كيف تصبح مليونير في ٣ خطوات و نص او اللي جايب ورقة و قلم و مستني مقادير طبخة النجاح يبقي غلطان انا زيي زي ناس كتير حاولت و فشلت مرات كتيره و نجحت بنسب بسيطة في مرات أخري ممكن ده يكون التسرع أو عدم كفاية الموارد أو حتى عدم القدرة علي الاستمرار لظروف خارجية عموما احنا هنا عشان نعرض افكار و نفيد بعض و اللي عاجله فكرة و يقدر يشتغل عليها و يطورها و يساعد نفسه و غيره بيها ليه لا الثراء السريع حلم ببراود الكل لو ربنا قسم ليه خير و بركه لكن لو مش مكتوب لنا مفيش قدامنا غير المحاولة

 المحاسب الخاص فكرة عندي من سنة ٢٠١٠ تقريبا فكرت فيها لما لقيت أن حاجة الشركات ايا كان حجمها كبيرة أو صغيرة لبرامج المحاسبة كبيرة و طبعا الشركات الكبيرة بتقدر أنها تشتري برامج احترافية في حين أن الشركات المتوسطة و الصغيرة كانت دائما بتلجأ للنسخ المضروبة الغير مضمونة النتائج المهم فكرتي كانت انشاء برنامج محاسبي كامل علي سيرفر اساسي علي الانترنت و عمل واجهة الاستخدام تتصل بهذا البرنامج عند العملاء بحيث يقدروا يستخدموا البرنامج الكبير المماثل للبرامج اللي عند الشركات الكبيرة مقابل اشتراك شهري و طبعا هيكون فيه اشتراكات مختلفة لان اللي هيكون عاوز تسجيل قيود يوميه عادية اشتراكه زي اللي عاوز يطبع ميزانيات في اخر السنة المالية بالإضافة اني فكرت في عمل جزء مجاني بواجهة خاصة لربات البيوت لعمل حسابات المنزل الشهرية عليه و ده للدعاية و الاعلانات طبعا المهم البرنامج الأساسي هضرب اكتر من عصفور بحجر واحد زي توفير الخدمة المحاسبية الاحترافية للشركات اللي منقدرش أنها تحصل عليها غير بمقابل كبير متقدرش عليه بالإضافة إلي إمكانية التعامل مع البرنامج حتي من غير المتخصصين بالإضافة إلي توفير القوائم المالية ا