المحاسب الخاص

 المحاسب الخاص

فكرة عندي من سنة ٢٠١٠ تقريبا

فكرت فيها لما لقيت أن حاجة الشركات ايا كان حجمها كبيرة أو صغيرة لبرامج المحاسبة كبيرة و طبعا الشركات الكبيرة بتقدر أنها تشتري برامج احترافية في حين أن الشركات المتوسطة و الصغيرة كانت دائما بتلجأ للنسخ المضروبة الغير مضمونة النتائج

المهم فكرتي كانت انشاء برنامج محاسبي كامل علي سيرفر اساسي علي الانترنت و عمل واجهة الاستخدام تتصل بهذا البرنامج عند العملاء بحيث يقدروا يستخدموا البرنامج الكبير المماثل للبرامج اللي عند الشركات الكبيرة مقابل اشتراك شهري

و طبعا هيكون فيه اشتراكات مختلفة لان اللي هيكون عاوز تسجيل قيود يوميه عادية اشتراكه زي اللي عاوز يطبع ميزانيات في اخر السنة المالية

بالإضافة اني فكرت في عمل جزء مجاني بواجهة خاصة لربات البيوت لعمل حسابات المنزل الشهرية عليه و ده للدعاية و الاعلانات طبعا

المهم البرنامج الأساسي هضرب اكتر من عصفور بحجر واحد زي توفير الخدمة المحاسبية الاحترافية للشركات اللي منقدرش أنها تحصل عليها غير بمقابل كبير متقدرش عليه بالإضافة إلي إمكانية التعامل مع البرنامج حتي من غير المتخصصين بالإضافة إلي توفير القوائم المالية الاحترافية عن طريق البرنامج في أي وقت أو كمان مطبوعة و مختومة عن طريق مكاتب محاسبات يتم الاتفاق معاها و كمان من أهم النقط مفيش كل شوية البرنامج وقع و اتصلوا بشركة السوفت وير لأن دائما هيكون فيه متابعة و صيانة ايه

دي كانت فكرتي حاولت تنفذها سنة ٢٠١٠ و مقدرتش لأسباب مادية و فنية و دائما بتحلم اشوفها واقع ملموس منتظر منكم افكار لتطويرها أو حتي اللي عاوز ينفذها بإخراج جديد براحته